Bimwe mu bikoresho byari iby’umugore wa Adolphe, Hitler Eva Braun birimo n’ikariso ye byatejwe icyamunara bigurwa akayabo k’Amayero. Aka kenda k’imbere k’uyu mugore kaguzwe ibihumbi hafi 3 by’Amayero, ni kamwe mu bintu byatejwe icyamunara ku itariki ya 6 Ugushyingo 2016 i Malvern mu gihugu cy’u Bwongereza.
Iyi kariso yagurishijwe mu cyamunara cy’ibikoresho byose byari iby’umugore w’umunyagitugu w’umunazi Adolphe Hitler, mu bindi hakaba hari harimo n’agakoresho yakoreshaga yisiga amavuta yo ku munwa, agakoresho yabikagamo indorerwamo ndetse n’impeta ya zahabu. Ibi bikoresho na byo bikaba byaraterejwe muyi iyo cyamunara.
[ad id=”44145″]
Iyi kariso ngo bayishakagamo ibihumbi 4 by’Amayero, barayabura kuko uwatanze menshi yatanze akabakaba mu bihumbi 3 gusa bagapfa kuyatwara.
Ibi bikoresho byaguzwe n’umuntu ku giti cye w’Umwongereza, ngo byari bikiri bizima kuko byatoraguwe mu myaka yashize n’umusirikare w’umunyamerika muri hotel ya Platterhof iherereye mu gace Hitler yari atuyemo hazwi ku izina rya Bavarian Alps, akagenda akabyitaho neza ku buryo bitangiritse na gato. Impeta ya Zahabu yaguzwe Amayeero1500,
[ad id=”44145″]
Nyiri guteza icyamunara Sophie Jones, yagize ati “ibi bikoresho byose byaje kuva muri Amerika bigarurwa mu Bwongereza, aho byitaweho ku buryo nta n’akenge wasanga mu mwenda w’imbere w’umugore wa Adolphe Hitler. Ibi bikoresho n’imyenda bigaragaza imibereho y’abanazi n’imikomerere y’isoko ryariho muri icyo gihe ubu rikaba ritakiriho, ni bimwe mu bitumye iyi kariso n’utundi dukoresho twifashishwaga n’umugore wa Hitler bishyirwa ku isoko ngo uzabasha kubireba ajye abireba.
[ad id=”44145″]
Hitler yamenyanye n’umugore we Braun mu 1929, ubwo umugore yari afite imyaka 17 Hitler we afite 40 y’amavuko. Mu mwaka w’ 1936 nibwo uyu yaje kuba umugore wa Adolphe Hitler ku mugaragaro ariko ntibakomeza kubana igihe kirekire kuko mu 1945 Hitler yaje kwiyahura ubwo Abasoviyete bari bamufungiranye mu nyubako imwe yo mu mujyi wa Berlin.
Kanda hano ujye ubona amakuru yihuse kandi kugihe kuri Facebook no kuri twitter
Bwiza.com
