Umugabo witwa Simon Ciza wari utuye mu gace ka Mushasha mu mujyi wa Gitega ho mu gihugu cy’u Burundi yaraye yishwe yicishijwe ubuhiri n’abagizi ba nabi batahise bamenyekana.
[ad id=”44145″]
Ubwo bwicanyi bwabaye kuri uyu wa Mbere, bubera mu ishyamba riri ku musozi wa Masenga nk’uko iyi nkuru ivuga.
Urubuga UBM News rwo mu Burundi dukesha iyi nkuru ruravuga ko nyakwigendera Ciza yishwe ubwo yari arimo gutaha avuye iwabo ku ivuko ku musozi wa Rutoke aho yari yaraye.
Ku kijyanye no kumenya niba atari impamvu za politiki zihishe inyuma y’ubu bwicanyi, umuyobozi wa Mushasha, Marie Rose Nzeyimana, yavuze ko nyakwigendera nta shyaka yabagamo kandi ko yari umuntu ubanye neza n’abandi baturage.
[ad id=”44145″]
Abashinzwe umutekano muri aka gace nk’uko iyi nkuru isoza ivuga, bavuga ko batangiye iperereza ngo bamenye uwakoze ubu bwicanyi kandi agezwe imbere y’ubutabera abihanirwe.
Kanda hano ujye ubona amakuru yihuse kandi kugihe kuri Facebook no kuri twitter
@bwiza.com
