Mu gihe amatora atari yarangira muri Leta zunze ubumwe za Amerika ariko bikaba bigaragara ko Donald Trump ari we wegukanye intsinzi y’ugiye kuba perezida, Perezida Nkurunziza w’u Burundi abaye perezida wa mbere uyimwifurije.
Abicishije ku rukuta rwe twa Twitter, Perezida Nkurunziza yagize ati: “Bwana, Donald Trump, mu izina ry’abaturage b’u Burundi, tubanje kubashimira, intsinzi yanyu ni intsinzi y’Abanyamerika bose”.
[ad id=”44145″]
N’ubwo amatora atari yarangira neza ngo byemezwe ku mugaragaro ko ari Trump utsinze, uyu mugabo yatangiye kuyibyina kuko amajwi 270 yasabwaga yarangije kuyarenza, bisobanuye ko ari we ugiye kuyobora igihugu cy’igihangange nka USA.
Iyi ntsinzi ya Donald Trump, itunguye benshi dore ko yatangiye kwiyamamaza benshi bamufata nk’umusazi, bamushinja ibyaha bitandukanye, amahirwe bayaha H. Clinton w’umudemokarate bari bahanganye.
[ad id=”44145″]
Nkurunziza nka Perezida w’u Burundi, afashe iya mbere agaragaza ibinezaneza atewe n’intsinzi ya Trump, mu gihe Leta ya Obama yatangazaga ko itemeye amatora yabaye mu Burundi kuri manda ya 3 ya Nkurunziza itavugwaho rumwe mu gihugu.
Ikindi kandi USA ikaba yarafatiye ibihano bamwe mu basirikare n’abapolisi ibashinja guhohotera no kwica abigaragambyaga bamagana iyi manda ya 3 ya Nkurunziza.
Kanda hano ujye ubona amakuru yihuse kandi kugihe kuri Facebook no kuri twitter
Itangishatse Théoneste/Bwiza.com
