Umusaza w’imyaka isaga 60 yafashe ku ngufu agakobwa k’imyaka ine y’amavuko mu gace ka Kamako, mu birometero 150 ugana mu majyepfo ya Tshipaka, umurwa mukuru w’Intara ya Kasai, ho muri Repubulika iharanira Demokarasi ya Congo.
Uyu musaza ushinjwa gufata ku ngufu yabikoze mu ijoro ryo kuwa kane, itariki 11 Gashyantare 2021 nk’uko byatangajwe na Padiri Trudon Keshilemba, wo muri Paruwasi yitiriwe Mutagatifu Gabriel akaba na Perezida wa Sosiye Sivile.
” Umwana yoherejwe na se kugura amabuye kugirango bamurikire inzu yabo. Uwabikoze ni umuturanyi wabo. Yakuruye umwana amushikisha bombo ahita atangira igikorwa. Se w’umwana yabibwiwe n’urusaku rw’umwana we, ahageze, yatunguye umuturanyi arimo arasambanya agakobwa ke.”
Yongeyeho ko urusaku rwadutse rwatumye abaturage bahurura, ndetse abasirikare bari ku kibuga cy’indege bakamanuka ahabereye icyaha bagata muri yombi uwo musaza ushinjwa ubugizi bwa nabi.
Sosiye Sivile yo muri iki gice yatangaje ko uyu musaza ushinjwa gusambanya agakobwa k’imyaka ine amaze iminsi atandukanye n’umugore we nk’uko iyi nkuru dukesha urubuga rwa ACTUALITE.CD ikomeza ivuga.
Hagati aho, uyu mwana arimo gukurikiranwa n’abaganga ariko uko amerewe birahangayikishije nk’uko sosiyete sivile isaba ko yoherezwa mu bitaro bifite ibikoresho bihagije ibitangaza.
