Minisiteri y’Ubuzima imaze gutangaza ko abaturarwanda batangiye gukingirwa icyorezo cya Covid-19.
Nk’uko iyi Minisiteri ibivuga, abahereweho ni abafite ibyago byinshi byo kwandura iki cyorezo barimo abakozi bo mu nzego z’ubuzima.
Iyi gahunda irakurikirwa n’indi izakingirwamo umubare munini w’abaturarwanda, hashingiwe ku umubare wa doze z’inkingo igihugu cyagenewe muri gahunda ya Covax.
Byari byitezwe ko icyiciro cya mbere kizatangira gukingirwa kuri uyu wa 15 Gashyantare 2021 gusa amakuru dukesha Taarifa avuga ko iki gikorwa cyatangiye tariki ya 11 Gashyantare 2021, i Gikondo ku kigo cy’igihugu gishinzwe inkingo.
