Minisiteri y’Umutekano w’Imbere mu Burundi n’iterambere ry’abaturage yatangaje ko u Rwanda rwoherereje iki gihugu izindi mpunzi zacyo 1208 kuri uyu wa 23 Gashyantare 2021 binyuze mu ishami ry’Umuryango w’Abibumbye ryita ku mpunzi (UNHCR).
Nk’uko ikomeza ibivuga, izi mpunzi zakiriwe ku mupaka wa Gasenyi-Nemba uhuza Intara y’Iburasirazuba ku ruhande rw’u Rwanda n’iya Kirundo ku ruhande rw’u Burundi.
U Burundi kandi bwakiriye n’izindi 135 zaturutse muri Repubulika ya Demukarasi ya Congo, zose hamwe uko ari 1353 zikaba zikubiye mu miryango 516.
U Rwanda ruherutse kohereza izindi mpunzi z’u Burundi 822 tariki ya 20 Mutarama 2021, iyi Minisiteri ikaba yari yatangaje ko rwohereza izindi uyu munsi.
Kurikira ibiganiro n’amavidewo binyura kuri Bwiza TV
