Urwego Ngenzuramikorere (RURA) rwatangaje ko guhera ku wa Gatanu tariki 05 Werurwe 2021, igiciro cy’ibikomoka kuri peteroli kigiye gihinduka. Igiciro cya Lisansi i Kigali ntikigomba kurenga Amafaranga y’u Rwanda 1,088 kuri litiro, mu gihe igiciro cya Mazutu i Kigali kitagomba kurenga Amafaranga y’u Rwanda 1,054 kuri litiro. Ugereranyije n’ibiciro RURA iheruka gutangaza muri Mutarama uyu mwaka, ibi biciro by’ibikomoka kuri peterori byazamutse, kuko Lisansi yaguraga Amafaranga y’u Rwanda 987 kuri litiro i Kigali, naho Mazutu ikagura Amafaranga y’u Rwanda 962 kuri litiro. Nk’uko biri mu itangazo rya RURA, ibyo biciro byiyongereyeho 10% bitewe n’uko ibiciro by’ibikomoka kuri peterori ku isoko mpuzamahanga byiyongereye bikabije. Igiciro cya Lisansi cyiyongereyeho 30% naho icya Mazutu cyo cyiyongeraho 26% ku isoko mpuzamahanga. Kurikira ibiganiro n’amavidewo binyura kuri Bwiza TV
