Burundi: Imbonerakure mu gahinda ka bagenzi bazo 6 bishwe

Kuri iki cyumweru tariki ya 13 Ugushyingo 2016, urubyiruko rw’Imbonerakure zo mu Burundi rwatambagiye imihanda yo mu gace ka Musaga zibuka bagenzi bazo bishwe mu myigaragambyo y’abamaganaga Perezida Nkurunziza w’u Burundi, uyu mutambagiro ukaba wanenzwe na bamwe ko abantu 6 ataribo bakwibukwa gusa mu majana yishwe.
[ad id=”44145″]
Izi Mbonerakure zibukaga bagenzi bazo 6 bishwe, gusa abandi bagiye babura ababo muri iyi myigaragambyo yahitanye ubuzima bw’abatari bake, bakaba banenga Leta y’u Burundi iha umwanya urubyiruko rw’ishyaka riri ku butegatsi, bakibuka abantu 6 gusa.
Mu kiganiro radiyo mpuzamahanga y’Abafaransa RFI, yagiranye na Me Armel Nyongere, umwe mu bayobozi ba sosiyeti sivile, yagize ati: “bizatunezeza habayeho umutambagiro rusange utari uw’uruhande rumwe rw’Imbonerakure, kuko habuze abantu benshi, barishwe mu myigaragambyo yabaye hamaganwa manda ya 3 ya Perezida Nkurunziza, ni ngombwa rero ko habaho kubibuka bose”.
[ad id=”44145″]
Yakomeje avuga ko ubu igikorwa kiriho ari icyo kwibuka abantu 6 bonyine b’Imbonerakure z’ishyaka CNDD FDD n’ubundi riri ku butegetsi, ibi bikaba byabaye mu gihe bitangazwa ko abantu bari hejuru ya 500 aribo bishwe kuva muri Mata umwaka ushize.