Ibihugu 10 bya mbere biteye imbere muri demokarasi muri Afurika

Demokarasi ni uburyo bw’imiyoborere buri kugeragezwa mu bihugu byinshi bya Afurika. Icyakora, demokarasi ishingiye ku bintu nk’ubwisanzure bw’abaturage, imikorere ya guverinoma, uruhare rwa politiki, umuco wa politiki, inzira y’amatora n’ubwiganze. Ibihugu rero bishyirwa ku rutonde hakurikijwe ubwoko butandukanye bwa demokarasi.

Dore ibihugu 10 biteye imbere muri demokarasi muri Afurika

10. Madagascar

Repubulika ya Madagascar ifata umwanya wa 10 ku rutonde rwa Afurika. Irangwa na demokarasi ivanze (démocratie hybride). Ku rutonde rw’Isi ifite umwanya wa 85 n’amanota 5.70.

9. Malawi

Malawi n’amanota 5.74 ifata umwanya wa 9 ku rutonde rwa Afrika. Iza ku mwanya wa 82 ku Isi. Iko gihugu cyashyizwe mu rwego rwa demokarasi ivanze.

8. Lesotho

Iri mu rwego rwa demokarasi ivanze kandi iza ku mwanya wa 64 ku Isi n’amanota 6.30.

7. Ghana

Igihugu cya Ghana kiza ku mwanya wa 59 ku Isi n’amanota 6.50. Ikaza ku mwanya wa 7 muri Afurika, ikarangwa na demokarasi idatunganye (démocratie imparfaite).

6. Namibia

Ku Isi hose, igihugu kiri ku mwanya wa 58 kandi kirangwa na demokarasi idatunganye. Ifite amanota 6.52.

5. Tunisia

Tunisia ni iya 54 ku Isi hamwe na demokarasi idatunganye. Iki gihugu cyo giifite amanota 6.49.

4. Afurika y’Epfo

Igihugu cya Afurika y’Epfo nicyo kiza ku mwanya wa 45 ku Isi n’amanota 7.05. Irangwa na demokarasi idatunganye.

3. Botswana

Botswana iza mu bihugu bitatu bya mbere kuri uru rutonde ariko irangwa na demokarasi idatunganye. Ku isi, iza ku mwanya wa 33 n’amanota 7.62.

2. Cap-Vert

Cap Vert iri ku mwanya wa 2 mu bihugu bya Afurika bigendera kuri demokarasi. Ifite amanota 7.65 kandi iri ku mwanya wa 32 ku Isi. Irangwa na demokarasi idatunganye.

1. Maurice

Repubulika ya Maurice ifite amanota 8.14 kandi iri ku mwanya wa 20 ku Isi. Irangwa na demokarasi yuzuye (démocratie pleine) kandi ifata umwanya wa 1 muri Afurika.

Ku rwego rw’Isi nk’uko tubikesha Atlas sociologique mondial, Igihugu cya Norvege nicyo kiza ku mwanya wa mbere n’amanota 9,81 kikaba kiri mu rwego rwa demokarasi yuzuye, kikaba gikurikirwa n’ibihugu nka Islande, Suede, New Zealand, Canada Finland Danemark, Irlande byose biri mu manota 9, mu gihe ibihugu nk’u Bufaransa, ku mwanya wa 24 n’amanota 7,99 cyangwa Leta Zunze Ubumwe za Amerika ku mwanya wa 25 n’amanota 7,92, bibarizwa mu bihugu bifite demokarasi ariko idatunganye.

Kurikira ibiganiro n’amavidewo binyura kuri Bwiza TV