Ikigo cya Afurika gishinzwe kurwanya no gukumira indwara (Africa CDC) cyatangaje ko ibihugu 11 byo muri Afurika birimo u Rwanda byemeje ko bimaze kugaragaramo ubundi bwoko bwa Covid-19 buzwi nka 501Y.V2 COVID-19.
Ibihugu 11 byo muri Afurika byatangaje ko hari ubwoko bwa 501Y.V2 ni Botswana, Comoros, Repubulika Iharanira Demokarasi ya Congo (DRC), Gambia, Ghana, Kenya, Malawi, Mozambike, u Rwanda, Afurika y’Epfo, na Zambia, nk’uko ikigo cyabitangaje kuwa Gatanu ushize.
Iki kigo nyafurika gishinzwe kurwanya no gukumira indwara ni ikigo gifite ubunararibonye mu by’ubuzimz kigizwe n’abanyamuryango 55 nk’ibihugu bigize A.U.
Cyashimangiye kandi ko umubare w’ibihugu byatangaje ko hari ubwoko bwa 501Y.V1 nawo wazamutse ukagera kuri 13.
Ibihugu 13 byo muri Afurika byatangaje ko hari 501Y.V1 ni Algeria, Repubulika Iharanira Demokarasi ya Congo (DRC), Gabon, Gambia, Ghana, Kenya, Libya, Maroc, Nigeria, u Rwanda, Senegal, Afurika y’Epfo, na Tunisia.
Hakurikijwe imibare iherutse gutangwa n’iki kigo cya Africa CDC, umubare w’abamaze kwandura COVID-19 muri Afurika wari ugeze kuri 3,937.028 guhera mu gitondo cyo ku wa Gatanu.
Kurikira ibiganiro n’amavidewo binyura kuri Bwiza TV
