Umuhungu wa Perezida Museveni wa Uganda, Lt. Gen. Muhoozi Kainerugaba, kuri uyu wa 16 Werurwe 2021 yatawe urukingo AstraZeneca rwa Covid-19.
Gen. Kainerugaba yabitangarije ku rubuga rwa Twitter, aho avuga ko abimburiye umutwe w’ingabo za Uganda zidasanzwe (SFC) abereye Komanda.
Yagize ati: “Uyu munsi nishimiye gutangiza gahunda y’ikingira muri SFC mfata urukingo rwa mbere rwa AstraZeneca. Ndashimira Nyakubahwa Kaguta Museveni, Minisiteri y’Ubuzima n’abafatanyabikorwa bacu mu iterambere ku ruhare bagize mu kuzana no gutanga uru rukingo.”
Today, it was my pleasure to open the covid-19 vaccination campaign within SFC by taking my first shot of AstraZeneca vaccine. I thank H.E. @kagutamuseveni, the Ministry of Health and our development partners for the quick acquisition and roll out of this vaccine. MK pic.twitter.com/9pSFj70mRt
— Muhoozi Kainerugaba (@mkainerugaba) March 16, 2021
Gen. Kainerugaba afashe uru rukingo nyuma y’abarimo Minisitiri w’Ubuzima wa Uganda, Dr. Jane Ruth Aceng warufashe tariki ya 10 Werurwe 2021, umunsi wa mbere w’ikingira muri Uganda.
Lt. Gen. Muhoozi Kainerugaba (uri wenyine) yabimburiye abandi basirikare ba SFC mu gufata urukingo
Binyuze muri gahunda ya Covax igamije kugeza inkingo za Covid-19 mu bihugu biri mu nzira y’iterambere, tariki ya 5 Werurwe 2021 yahawe icyiciro cya mbere cy’inkingo 864,000 za AstraZeneca.
Minisiteri y’Ubuzima ya Uganda tariki ya 16 Werurwe yatangaje ko kugeza tariki ya 14 hari hamaze gukingirwa abantu 1215. Biteganyijwe ko gahunda yo gukingira hirya no hino mu gihugu, izatangira mu cyumweru gitaha.
Kurikira ibiganiro n’amavidewo binyura kuri Bwiza TV
