Ikigo cya Pfizer gikora imiti n’inkingo cyatangaje ko giteganya gukora inkingo z’ibindi byorezo, mu gihe urwa Covid-19 rwatanga umusaruro mwiza rwitezweho.
Umuyobozi w’iki kigo, Albert Bourla yabitangarije igitangazamakuru The Wall Street Journal, mu nkuru yacyo yasohotse kuri uyu wa 23 Werurwe 2021.
Bourla yavuze ko ikoranabuhanga rya mRNA rwifashishije rukora urukingo rwa Covid-19 ku bufatanye n’ikindi kigo cya BioNTech cyo mu Budage bateganya kuriteza imbere ku buryo mu minsi iri imbere bazaba babasha gukora inkingo z’ibindi byorezo.
Yagize ati: “Hari ikoranabuhanga ryagize ingaruka nziza. Turi ikigo kiri mu mwanya mwiza wo gutera indi ntambwe bitewe n’uko tungana n’ubunararibonye dufite.”
Gusa ntabwo uyu muyobozi yigeze avuga ibindi byorezo Pfizer yakorera inkingo mu gihe urwa Pfizer & BioNTech iri kwifashisha mu gukingira abantu Covid-19 rwaba rutanze umusaruro wifuzwa.
Ku rutonde rw’inkingo zikoreshwa zemewe ku rwego mpuzamahanga harimo: Pfizer & BioNTech, AstraZeneca na Johnsons & Johnsons. Urwa Pfizer rwizewe ku kigero kirenga 95%.
Kurikira ibiganiro n’amavidewo binyura kuri Bwiza TV
