Abacungagereza b’Urwego rw’u Rwanda rushinzwe imfungwa n’abagororwa (RCS) bari mu byiciro by’abasuzofisiye n’abawada, bazamuwe mu ntera.
Bigaragara mu Iteka rya Minisitiri w’Ubutabera Nimero 004/MOJ/AG/21 ryo ku wa 25/03/2021 riri mu Igazeti ya Leta Idasanzwe yasohotse kuri uyu wa 28 Werurwe 2021.
Abazamuwe mu ntera bari mu mapeti ya: Warder (WDR), Corporal (CPL), Sergeant (SGT) na Senior Sergeant (S/SGT).
Nk’uko bigaragara mu mbonerahamwe zirimo urutonde rw’aba bacungagereza, harimo abawada bahawe ipeti rya Chief Sergeant (C/SGT), basimbukishijwe irya CPL, SGT na S/SGT.
Abacungagereza 108 bari bafite ipeti rya S/SGT bazamuwe ku ipeti rya C/SGT, babiri bari bafite irya WDR na bo bazamurwa kuri C/SGT.
Abacungagereza 391 bari bafite ipeti rya SGT bazamuwe ku rya S/SGT, abandi 75 bari bafite irya CPL bazamurwa ku rya SGT, naho 100 bari bafite irya WDR bazamurwa ku rya CPL.
Abacungagereza baherukaga kuzamurwa mu ntera mu Kuboza 2020. Icyo gihe hazamuwe 677 barimo abasuzofisiyen’abawada nk’uko bigaragara mu Igazeti ya Leta Idasanzwe yo ku wa 31/12/2020.
Inkuru y’izamurwa mu ntera ry’abacungagereza riheruka Abacungagereza bazamuwe mu ntera, abandi 35 birukanwa burundu http://www.bwiza.com/?Abacungagereza-bazamuwe-mu-ntera-abandi-35-birukanwa-burundu
Kurikira ibiganiro n’amavidewo binyura kuri Bwiza TV
