Perezida wa Repubulika ya Uganda, Yoweri Kaguta Museveni, kuri uyu wa 7 Mata 2021 yatembereje mu nka ze umuhanzi akaba n’umushoramari Aliaune Damala Badara Thiam wamamaye ku izina rya Akon.
Nk’uko Perezida Museveni yabitangarije ku rubuga rwa Twitter; we, Akon n’umugore we Rozina Negusei basuye inka ze ziherereye mu gace ka Kisozi mu Karere ka Gomba, mu masaha y’ikigoroba.
Yagize ati: “’Nakiriye umuririmbyi Aliaune Badara Akon n’umugore Rozina Negusei ku gikuyu cya Kisozi, Akarere ka Gomba kuri uyu wa Gatatu ikigoroba.”
Bigaragara ko Akon na Rozina basanze Museveni ku Kisozi, kuko we yahageze mu masaha y’ikigoroba cya tariki ya 6 Mata nk’uko bigaragara mu butumwa bwa Twitter yari yatanze mbere.
Aha ku Kisozi ni naho Perezida Museveni yagiraniye ikiganiro n’abandi bayobozi bahamusanze mu masaha y’umugoroba wa tariki ya 7 nk’uko yakomeje abivuga.
Akon na Rozina bageze muri Uganda tariki ya 2 Mata 2021mu ruzinduko rw’ishoramari bateganyaga ko rumara iminsi ine. Bakiriwe na Perezida Museveni baranaganira, bagirana ikiganiro n’itangazamakuru ryo muri iki gihugu ndetse bakorera ubukerarugendo muri Pariki ya Bwindi.
Kurikira ibiganiro n’amavidewo binyura kuri Bwiza TV
