Igisirikare cya Repubulika Yunze Ubumwe ya Tanzania, TPDF (Tanzania People’s Defence Force) cyangwa se JWTZ (Jeshi la Wananchi wa Tanzania) kiri ku mwanya w’112 kuri raporo nshya ya Global Fire Index igereranya ubushobozi bw’ibisirikare by’ibihugu 140.
Iyi raporo yerekana ko ingabo zayo zirwanira mu kirere, AFC (Air Force Command) zifite indege z’ubwoko butandukanye, zibarirwa muri 30 zirimo: indwanyi, izifashishwa mu bwikorezi, iziffashishwa mu myitozo na kajugujugu.
Indege z’indwanyi ni zo AFC ifite nyinshi kuko ziri ku kigero cya 40%. Izifashishwa mu myitozo zikurikiyeho ku kigero cya 22.9%, kajugujugu ni 20% mu gihe iz’ubwikorezi ari 17.1%.
Urubuga Flight Global muri raporo rwise World Air Forces, rwashyize ahabona ubwoko bw’indege AFC ifite n’umubare wazo.
Uru rubuga rwerekana ko AFC ifite indege z’indwanyi zirimo: 3 za Falcon F-6 na 11 za Falcon F-7 zose zakorewe muri Leta Zunze Ubumwe za Amerika (USA).
AFC ifite kandi indege yifashisha mu bwikorezi zirimo; 1 ya Antonov An-28 yakorewe mu Burusiya, 1 ya Cessna 402 yakorewe muri USA, 2 za Harbin Y-8 n’2 za Harbin Y-12 zakorewe mu Bushinwa.
Ifite kandi kajugujugu 2 za Bell 412 zakorewe muri USA, 1 ya Eurocopter H125/AS350, 2 za Eurocopter H155M n’izindi 2 za Eurocopter H225M zakorewe mu Bufaransa.
Indege yifashisha mu myitozo zirimo: 1 ya Shenyang FT-6 n’2 za Shenyang FT-7 zakorewe mu Bushinwa n’5 za Karakorum K-8 zakorewe mu Bushinwa.
Kurikira ibiganiro n’amavidewo binyura kuri Bwiza TV
