Mu kiganiro cyo ku wa Gatandatu tariki ya 17 Mata yagiranye n’abanyamakuru, Minisitiri w’intebe wungirije akaba na Minisitiri w’ubutabera w’agateganyo, Bernard Takaishe, yatangaje isubukurwa ry’urubanza kuri uyu wa kabiri, itariki ya 20 Mata hagati ya Repubulika iharanira Demokarasi ya Congo na Uganda mu Rukiko Mpuzamahanga rw’Ubutabera (CIJ).
Nyuma yo gutegekwa mu 2005 n’Urukiko Mpuzamahanga rw’Ubutabera kwishyura indishyi Repubulika iharanira Demokarasi ya Congo kubera kuvogera ubusugire bwayo n’uburenganzira bwa muntu hagati ya 1998 na 2003, Uganda ntirubahiriza icyemezo cy’urukiko.
Kuri Bernard Takaishe, nyuma yo kubona ko Uganda idashaka kwishyura ibyangiritse ku gihugu cya Congo, Minisiteri y’Ubutabera yongeye kubaka no gushimangira ubwunganizi bwa Congo, bwagaruye uru rubanza ku rwego rw’Urukiko mpuzamahanga rw’Ubutabera ngo ruhatire Uganda kubahiriza ibyo yategetswe nk’uko iyi nkuru dukesha Radio Okapi ivuga.
Ati: “Hari icyizere gike ku muyobozi wa Uganda usa nk’ugaragaza ko ashaka gushyikirana; mu gihe adafite umugambi wo gushyikirana. RDC rero yafashe icyemezo cyo gushyikiriza iyi dosiye Urukiko Mpuzamahanga rw’Ubutabera kandi nibyo turimo gukora.”
Takaishe akomeza agira ati “Igihe nafataga dosiye, hari imicungire mibi y’iyo dosiye. Nagerageje gusubiza ibintu mu buryo. Nasheshe komisiyo yari ihari, ikibazo cy’ingengo y’imari. Nagaruye abanyamategeko mpuzamahanga bose bari bamaze kwivanamo kuko ubuyobozi butari bwiza. Nashyizeho undi mufatanyabikorwa Prof.
Ngasha. Uyu munsi, nta kaga ko kwibeshya, dufite ubwunganizi bwiza cyane “.
Nyuma y’ikirego cyatanzwe na RDC, Urukiko mpuzamahanga rw’ubutabera rwemeje ko Uganda ari yo yari inyuma , hagati ya Kanama 1998 na Kamena 2003, yo “kwigarurira Ituri”, “guhonyora uburenganzira mpuzamahanga bwa muntu muri Congo, gukoresha imbaraga binyuranyije n’amategeko, gusahura no kwiba umutungo kamere “muri RDC, nk’uko bigaragara mu rubanza rwaciwe mu ruhame i La Haye, aho ICJ ikorera.
Mu itangazo ryashyizwe ahagaragara ku ya 13 Ugushyingo 2019, Urukiko mpuzamahanga rwasubitse iburanisha mu ruhame ry’ibanze ku kibazo cy’indishyi ku bijyanye n’ibikorwa by’abitwaje intwaro ku butaka bwa Repubulika iharanira Demokarasi ya Congo.
Kurikira ibiganiro n’amavidewo binyura kuri Bwiza TV
