Uruganda rwa Pfizer rukora imiti rwamenyekanye muri iki gihe kubera urukingo rwacyo rwa covid-19, kiravuga ko hari inkingo zacyo z’iki cyorezo za fake zafatiwe muri Mexico na Pologne, aho doze imwe irimo iragurishwa amadorali agera mu 1000$ nk’uko bitangazwa n’itangazamakuru ryo muri Amerika.
Ku ivuriro rimwe riherereye muri Mexico, abantu bagera kuri 80 bahawe doze z’izi nkingo za fake, ngo zisa nk’aho nta kibazo zitera ku mubiri, ariko na none zidatanga ubwirinzi na bucye bw’iki cyorezo cya Covid-19 gikomeje guhitana abatari bacye muri iki gihugu nk’uko byatangajwe na Wall Street Journal.
Izi nkingo zasanzwe muri firigo zikonjesha inzoga, zashyizweho ‘lot numbers’ n’itariki zizarangiriraho by’ibihimbano.
Muri Gashyantare, abakozi mu by’ubuzima muri Leta ya Nuevo Leon yo mu majyaruguru ya Mexico, yari yaburiye abantu ku icuruzwa rwihishwa ry’izo nkingo isaba abantu kutazazifata.
Muri Werurwe, Ishami ry’Umuryango w’Abibumbye ryita ku Buzima, OMS, naryo ryavuze ku nkingo za fake za Pfizer zasanzwe muri Mexico rivuga ko zishobora kuba zikiri gukwirakwizwa mu karere.
Kurikira ibiganiro n’amavidewo binyura kuri Bwiza TV
