Raporo ngarukamwaka ku byaha y’Igipolisi cya Uganda ya 2020 yasohowe kuwa Mbere ushize iravuga ko ibyaha byakozwe muri 2020 byagabanyutseho 9% ugereranyije n’umwaka wa 2019, aho bivugwa ko ahanini byatewe n’ingamba zo gukumira Covid-19, gusa abantu 270 bararashwe, barimo abagabo 236 bakuze, abasore 7, abagore 24 bakuze n’abakobwa 3.
Izindi mpamvu zagabanyije ibyaha nk’uko byatangajwe n’umukuru w’igipolisi IGP Okoth Ochola, ni ukwinjiza mu kazi ba Local Defense, gushyira za camera z’umutekano hirya no hino, kuvugurura umutwe kabuhariwe w’igipolisi uzwi nka Flying Squad Unit.
Nubwo bimeze gutyo, ubwicanyi bwakozwe hakoreshejwe imbunda bwariyongereye cyane. Muri 2020, hagaragajwe dosiye 249 ugereranyije na dosiye 181 mu 2019, hakaba hariyongereyeho 37,5%.
Muri rusange, abantu 270 bishwe barashwe, barimo abagabo bakuru 236, insoresore 7, abagore 24 bakuze n’abakobwa batatu nk’uko iyi nkuru dukesha Spyreports ikomeza ivuga.
Mu mpera za 2020, dosiye 43 z’iraswa zajyanwe mu nkiko, imanza 6 zirarangizwa hatangwa ibihano, mu gihe dosiye 37 zikiri mu rukiko. Izindi dosiye 171 ziracyakorwaho iperereza.
Kurikira ibiganiro n’amavidewo binyura kuri Bwiza TV
