Ibyemezo bitavugwaho rumwe mu Nteko ishinga Amategeko ya Repubulika ya Demokarasi ya Congo hagati y’abadepite ku ruhande rumwe, bemeye ko abayigize bajya kuburanishwa n’inkiko, ku rundi ruhande, Abasenateri banze gukuraho ubudahangarwa bwa bamwe muri bagenzi babo, byazamuye amajwi yumvikanisha kwamagana imyitwarire y’abo basenateri bamwe basanga bagamije kubangamira ubutabera.
Ku wahoze ari minisitiri w’ubutabera, Luzolo Bambi Lessa, imyitwarire y’abasenateri ngo ni agasuzuguro ku Banyekongo. Ati: “Imyitwarire ya Sena kuri njye ni uguhakana demokarasi. Kubera ko ubutabera budashobora guhagarara ku marembo y’Inteko. Turimo gutakaza miliyari nyinshi, abaturage bari mu mibabaro kandi amakuba y’abaturage ba congo itandukanye n’iyi myitwarire ya Sena. ”
Nk’uko iyi nkuru dukesha RFI ivuga, Georges Kapiamba, Perezida w’ishyirahamwe ry’Abanyekongo baharanira ubutabera, Acaj, yizera ko umushinjacyaha w’Urukiko rushinzwe kurinda Itegeko Nshinga azongera kubyutsa ikindi cyifuzo cyo gukuriraho ubudahangarwa abagize Sena.
Ati “Turizera ko akazi ubushinjacyaha buzakora vuba aha kazatuma icyifuzo gishya gishyikirizwa Sena kugira ngo abasenateri babiri barinzwe na bagenzi babo bazategekwe kwitaba ubushinjacyaha. ”
Inteko ishinga amategeko yo yemeye ko babiri mu bayigize: uwahoze ari minisitiri w’inshingano n’uwahoze ari minisitiri w’intebe bumvwa n’ubutabera.
Kurikira ibiganiro n’amavidewo binyura kuri Bwiza TV
