Jules Theobald, Umufaransa wari ukuze kurusha abandi w’imyaka 112 wo mu Birwa bya Martinique yarapfuye kuwa Kabiri ushize apfiriye iwe mu mujyi wa Fort-de-France.
Uyu mukambwe wavutse ku itariki ya 17 Mata 1909, nubwo umuryango we wemeza ko yavutse imyaka ibiri mbere y’aha, yabyaye abana batatu akaba yarakoraga ku cyambu ndetse n’uburobyi.
Mu kiganiro yagiranye n’itangazamakuru muri 2019 yashimangiye ashimitse ati “Iyaba ari njyewe nashobora kubaho kugeza mfite imyaka 200. Nagize ubuzima bwiza. Ntabwo nicuza”.
Muri Werurwe, abaturage bari bamutoreye kuba perezida w’icyubahiro w’akarere ka Pointe des Negres avukamo nk’uko bitangazwa na RFI.
Umuyobozi wungirije w’Umujyi wa Fort-de-France, Steeve Moreau ati: “Azasiga icyuho gikomeye, nubwo urupfu rwe rwari rutegerejwe.”
“Yakundaga akarere ke. Yari azi abantu bose kandi abantu bose baramuzi, yari hafi y’abantu.”
Umugabo ukuze kurusha abandi ku Isi kuri ubu ni Saturnino de la Fuente Garcia wo muri Espagne, wari ufite imyaka 112 n’iminsi 236 ku wa kabiri. Yavutse amezi abiri n’icyumweru kimwe mbere ya Theobald.
U Bufaransa kandi bwari butuwe n’umuntu ukuze kurusha abandi imyaka ye yagenzuwe. Yari Jeanne Calment, wapfuye mu 1997 afite imyaka 122 n’iminsi 164.
Natabay Tinsiew bivugwa ko yapfuye afite imyaka 127
Mu minsi ishize ariko, umugabo wo muri Eritereya yapfuye afite imyaka 127, aho umuryango we wavuze ko bizeye ko Natabay Tinsiew azabona umwanya muri Guinness World Records nk’umuntu wari ukuze kurusha abandi bose babayeho mu gihe cye.
2 Responses
Umufaransa wari ukuze kurusha abandi yapfuye ku myaka isaga 110
Afurika ifise abantu benshi barenza iyo myaka 112. Kuba ari abanya afurika, ntibavugwa canke ngo vyemerwe ko barenza iyo myaka. Ni nkakumwe bavuga ngo afurika yavumbuwe n’abazungu kandi yari ituwe!!
Umufaransa wari ukuze kurusha abandi yapfuye ku myaka isaga 110
Afurika ifise abantu benshi barenza iyo myaka 112. Kuba ari abanya afurika, ntibavugwa canke ngo vyemerwe ko barenza iyo myaka. Ni nkakumwe bavuga ngo afurika yavumbuwe n’abazungu kandi yari ituwe!!