Hari amakuru ataremezwa n’urwego urwo ari rwo rwose bireba ko Urwego rw’ubutasi mu gisirikare cya Uganda, CMI, rwarekuye abantu batandatu bashinzwe kwinjiza abarwanyi muri RUD-Urunana yigeze kugaba ibitero mu Kinigi. Ibinyamakuru bimwe bivuga ko aba batandatu bari bafatiwe na Polisi ya Uganda mu Karere ka Kakumiro. Aba TNT yatangaje ko barekuwe kuwa Kabiri ku itegeko rya CMI iyobowe na Maj Gen Abel Kandiho. RUD-Urunana nibo bagabye igitero mu Kinigi mu Kwakira 2019 gihitana abagera kuri 14 nk’ubutegetsi bw’ u Rwanda bwabyemeje. Bivugwa ko abo muri izi nyeshyamba bafashwa na Uganda, ibirego iki gihugu cyakunze guhakana, ahubwo kikavuga ko u Rwanda rwakirunzemo intasi.
