Umuryango w’Abibumbye wavuze ko abategetsi ba Ethiopia bafunze abashoferi 72 bakorera Ishami rya Loni ryita Biribwa (PAM) mu majyaruguru y’igihugu nk’uko bitangazwa na Al Jazeera.
Amakuru yatangajwe kuri uyu wa Gatatu aje nyuma y’umunsi umwe Umuryango w’Abibumbye utangaje ko hafashwe abakozi 22 bawo mu murwa mukuru, Addis Ababa, kubera ko impungenge mpuzamahanga zigenda ziyongera kubera amakuru avuga ku ifatwa ry’abo mu bwoko ry’Abanya-Tigray mu gihe imirwano ikomeje gufata intera.
Umuvugizi w’Umuryango w’Abibumbye yavuze ko ifungwa rya nyuma ryabereye mu murwa mukuru w’Intara ya Afar, ku muhanda wonyine ukora ugana muri Tigray, aho abantu ibihumbi magana by’abaturage babayeho mu mibereho y’inzara nk’uko byemezwa na PAM.
Ati: “Turemeza ko abashoferi 72 bahawe akazi na PAM bafungiwe i Semera. Turimo kuvugana na Guverinoma ya Ethiopia kugira ngo twumve impamvu zituma bafungwa ”.
Yakomeje agira ati: “Turimo gukora ubuvugizi kuri leta kugira ngo umutekano wabo urusheho kurengerwa n’uburenganzira bwabo mu buryo bwemewe n’amategeko.”
Guverinoma mu cyumweru gishize yatangaje ibihe bidasanzwe mu gihe cy’amezi atandatu mu gihugu hose mu gihehakomeje ubwoba bw’uko abarwanyi ba Tigrayan hamwe n’inyeshyamba za Oromo Liberation Army (OLA) bakwinjira mu murwa mukuru.
