Abakandida 400 bakoze ikizamini cya Leta gisoza amashuri yisumbuye mu Rwanda, bamaze kujuririra amanota bahawe, basaba kwerekwa impapuro bakosoreweho.
Mu masaa munani yo ku wa 15 Ugushyingo 2021 ni bwo Minisiteri y’Uburezi yashyize hanze amanota y’abakoze iki kizamini mu bumenyi rusange, mu nderabarezi no mu mashuri y’imyuga n’ubumenyi ngiro.
Iyi Minisiteri yatangaje ko mu bumenyi rusange, abatsinze bari ku kigero cya 85.3%, mu nderabarezi batsinda kuri 99.9%, mu myuga n’ubumenyi ngiro batsinda kuri 95.7%.
Umuyobozi w’agateganyo uhagarariye ikigo gishinzwe guteza imbere imyuga n’ubumenyingiro (RTB) n’igishinzwe guteza imbere uburezi bw’ibanza (REB) mu kigo cy’igihugu gishinzwe ibizamini n’ubugenzuzi bw’amashuri (NESA), Camille Kanamugire yabwiye New Times ko umunsi wakurikiye itangazwa ry’aya manota ari bwo aba bakandida batanze ubujurire.
Ngo basabwa kuzuza inyandiko, hakazakurikiraho kugenzura uko bahawe amanota. Kanamugire yabisobanuye ati: “Abakandida bashaka gutanga ubujurire, bahabwa inyandiko buzuza, natwe tukazagenzura ubujurire bwa buri wese, hanyuma tukazabahamagara tubamenyesha ibyo twabonye.”
Kanamugire yasobanuye ko muri ubu bugenzuzi, itsinda ry’ababishinzwe rizajya rigenzura amakayi abakandida bajuriye basubirijemo, nibasanga amanota ateranyije nabi babikosore.
Utanga ubu bujurire asabwa kwishyura amafaranga y’u Rwanda 5000 kugira ngo amanota ye agenzurwe.
4 Responses
Abakandida 400 bakoze icya Leta gisoza ayisumbuye bajuririye amanota bahawe
Abo bajuriye nibajya mu buzima busanzwe bazarangwa no kutemera ibyemezo bafatirwa
Abakandida 400 bakoze icya Leta gisoza ayisumbuye bajuririye amanota bahawe
Abo bajuriye nibajya mu buzima busanzwe bazarangwa no kutemera ibyemezo bafatirwa
Abakandida 400 bakoze icya Leta gisoza ayisumbuye bajuririye amanota bahawe
Ariko birashoboka ko aba banyeshuri bakosowe nabi,kuko ubundi habagaho abakosora ,hakaba abandi bakora checking ,urumva rero abakosoye babikoze byose ,rwose ntihaburamo amakosa cyane ko umuntu wakoze ikosa agahabwa kwisubiramo ntabikora kuko aba aziko ntaryo yakoze.
Abakandida 400 bakoze icya Leta gisoza ayisumbuye bajuririye amanota bahawe
Ariko birashoboka ko aba banyeshuri bakosowe nabi,kuko ubundi habagaho abakosora ,hakaba abandi bakora checking ,urumva rero abakosoye babikoze byose ,rwose ntihaburamo amakosa cyane ko umuntu wakoze ikosa agahabwa kwisubiramo ntabikora kuko aba aziko ntaryo yakoze.