Abasivili 22 kuri iki Cyumweru, itariki 28 Ugushyingo, biciwe mu gitero cyagabwe ku nkambi y’abavanwe mu byabo mu Ntara ya Ituri mu majyaruguru y’uburasirazuba bwa Repubulika ya Demokarasi ya Congo.
Iki gitero kije nyuma y’icyumweru habaye ikindi nk’iki cyahitanye abantu 29 ku nkambi yegeranye n’iyi nk’uko byatangajwe na Croix Rouge.
Umuhuzabikorwa wa Croix Rouge muri Djugu, Mambo Bapu Mance, avugana na AFP yagize ati “ Nyuma y’igitero ku kigo cy’abavanwe mu byabo cya Ivo kuri iki Cyumweru, imirambo 20 yashyinguwe mu byobo rusange bibiri,”
Yakomeje agira ati “ Hanyuma inkomere ebyiri zahitanwe n’ibikomere byazo nazo zashyinguwe, umubare uba abantu 22 bishwe,”
