Kuri uyu wa 15 Mutarama 2017, abanyeshuri bagera kuri 68,560 basoje amashuri yisumbuye mu Rwanda hose batangiye ingando z’itorero ry’igihugu.
Boniface Rucagu, ukuriye itorero ry’igihugu yabwiye newtimes dukesha iyi nkuru ko iri torero n’ubundi rigarutse rifite intego zisanzwe zirigenga zo kwigisha abakiri bato indangagaciro na kirazira by’umuco nyarwanda.
Yagize ati “Intego y’ingenzi ni ukubarema muri uru rubyiruko umuco wo gukunda igihugu no kwita ku ndangagaciro z’igihugu. Iyo indangagaciro no gukunda igihugu bibibwe mu rubyiruko bituma ubumwe mu gihugu burushaho kwiyongera, ubumwe n’amahoro mu banyarwanda bizanatuma barushaho gukora bagateza imbere igihugu muri rusange”
Rucagu yemeza ko kimwe n’andi matorero yabanjirije iri mu myaka yashize ngo bigenda bigaragara ko itorero ritanga umusaruro mwiza kuko urubyiruko rutozwa ruhindura imyumvire rikiremamo umuco wo gukunda igihugu rukavamo abaturage beza n’abayobozi beza.
[xyz-ihs snippet=”google-pub”]
Rucagu yavuze ko muri izi ngando hazanibandwa ku kurimbura ingenga bitekerezo ya jenoside mu baryitabiriye baherereye mu gihugu hose,
Ati “ Mu myaka yashize hagaragaye ingengabitekerezo ya jenoside mu mashuri no muri sosiyete muri rusange ariko muri iyi minsi biri kugabanuka kandi nizera ko itorero ribifitemo uruhare rukomeye”
Itorero ryatangijwe rizakorerwa ku masite agera ku 140 mu turere twose tw’u Rwanda. Ni ku nshuro ya munani iri torero ngaruka mwaka ribaye.
Kanda hano ujye ubona amakuru yihuse kandi kugihe kuri Facebook no kuri twitter
Schadrack@bwiza.com
