Itangazo ryashyizweho umukono ku wa 20 Mutarama 2017 na baperezida b’inteko ishinga amategeko y’u Burundi imitwe yombi rigamije gusubiza ku birego iki gihugu giherutse gushinjwa n’umuryango w’ubumwe bw’Uburayi (EU), iri tangazo ryanditswe mu rurimi rw’igifaransa ririmo amagambo akakaye amenyesha EU ko Abadepite b’u Burundi batowe n’abaturage biryo ko badashobora kubangamira ababatoye.
Inteko ishinga amategeko y’umuryango y’ubumwe bw’Uburayi iherutse gushinja Uburundi ibyaha birimo kubangamira uburenganzira bwa muntu, kwica abatavuga rumwe na leta ya Nkurunziza, gufata abagore n’abakobwa ku ngufu bikozwe n’Imbonerakure (insoresore zo mu ishyaka rya CNDD-FDD riri kubutegetsi), kwica abaturage b’abasivile n’ibindi byinshi, EU yasabaga ko Abadepite b’Uburundi batanga ibisobanuro kuri ibyo borego byose.
[xyz-ihs snippet=”google-pub”]
Ibyo bisobanuro ni nabyo bikubiye muri iyi baruwa yanditswe n’inteko ishinga amategeko imitwe yombi. Amwe mu magambo akakaye agaragara muri iyo baruwa agira ati “Inteko ishinga amategeko y’u Burundi yongeye gutumira iya EU kugirango izohereze intumwa ziyzire mu Burundi kureba uko ikibazo ku burenganzira bwa muntu gihagaze, ibyo bizafasha inteko ishinga amategeko ya EU kurushaho kumenya ukuri ku binyoma bikwirakwizwa n’abanzi b’u Burundi”
Mu gusubiza ku kibazo cy’uko haba harabaye amakosa mu gihe leta y’u Burundi yafungaga imwe mu miryango itegamiye kuri leta mu buryo EU ivuga ko bunyuranyije n’amategeko, Abadepita b’u Burundi bagize bati “ Inteko ishinga amategeko y’u Burundi yabamenyeshaga ko ibyo guverinoma yakoze biri mu nshingano zayo zo kugenzura imiryango yose ikorera ku butaka bw’u Burundi”
Bakomeza bagira bati “ Kuba guverinoma y’u Burundi yaratoye amategeko ni kubw’inyungo z’abaturage b’u Burundi kandi inteko ishinga amategeko ntishobora gutora amategeko anyuranye n’ibyo ishinzwe
Kanda hano ujye ubona amakuru yihuse kandi kugihe kuri Facebook no kuri twitter
Schadrack@bwiza.com
