Abarurage bo mu ntara ya Muyinga mu karere ka Mukoni baraye badasinziriye ndetse bamwe bakaba bahagaritse imirimo yabo mu ijoro ryo kuri uyu wa 24 Mutarama 2017 kubera urusaku rw’amasasu rwumvikanye mu nkambi ya gisirikare iri muri aka karere ka Mukoni.
[xyz-ihs snippet=”google-pub”]
Ijwi ry’Amerika dukesha iyi nkuru rivuga ko kuri uyu mugoroba ahagabwe igitero n’abantu batazwi kuri iyi nkambi, hakaba humvikanye amasasu mu gihe kingana n’amasaha 2 yose.
Aya masasu yumvikanye yanatumye mu gitondo cyo kuri uyu wa kabiri habyukira umukwabu wo guta muri yombi abadafite ibyangombwa n’abandi batari bacye bakekwaho kuba bari mu bagabye igitero kuri iri nkambi.
Umuvugizi w’igisirikare cy’u Burundi Col Baratuza Gaspard yavuze ko abantu 5 batawe muri yombi ndets hakaba hanafashwe imbunda n’izindi ntwaro zirimo ibiturika.
[xyz-ihs snippet=”google-pub”]
Amakuru avuga ko abantu bitwaje intwaro aribo bagabye igitero kuri iyi nkambi bakarasana umwanya munini, ariko uyu muvugizi akaba yavuze ko ari umuntu umwe gusa wahasize ubuzima.
Kanda hano ujye ubona amakuru yihuse kandi kugihe kuri Facebook no kuri twitter
Nsengimana@Bwiza.com
