Ibikorwa byo gutangiza inyubako z’umudugudu ntangarugero mu Karere ka Huye byabereye mu Murenge wa Simbi, bikaba byitabiriwe n’abayobozi batandukanye. Abaturage bakaba basabwe kuzagira uruhare mu kubyaza umusaruro ibikorwa byamajyambere byabegerejwe, n’ibikomeje kubegerezwa.
Ni umuhango wabereye mu murenge wa Simbi, mu Kagali ka Kabusanza, ahatangijwe ku mugaragaro ibikorwa byo kubaka umudugudu ntangarugero(IDP Model Village). Iki gikorwa kitabiriwe na Ministre w’abakozi ba leta n’Umurimo, Ubuyobozi bw’Ingabo ku rwego rw’Intara n’Akarere ka Huye, ubuyobozi bw’Aarere ka Huye, abafatanyabikorwa batandukanye, ndetse n’izindi zitandukanye zikorana n’Akarere.
Nk’uko byagaragajwe n’Umuyobozi w’Akarere ka Huye KAYIRAMGA MUZUKA Eugene mu ijambo rye, ngo umudugudu ntangarugero wa Kabusanza uzaba ugizwe n’inzu eshanu, buri nzu imwe ikazaturwamo n’imiryango ine (4 familles). Umuyobozi w’Akarere yagaragaje ko ari umudugudu uzaba ufite ibikorwa remezo byose nk’ irerero, hakubakwa ibiraro rusange bizafasha abatishoboye mu kubabonera amata.
Mu gihe amashaynyarazi asanzwe ataragera muri uyu mudugudu, umuyobozi w’Akarere yagaragaje ko bazaba bakoresha amashanyarazi akomoka ku mirasire y’izuba.
Yanasobanuye kandi ko hari igice kizajyamo ishuri ry’imyuga, rigakora nk’agakiriro, aho abana batuye muri uyu mudugudu bazabona uko biga imyuga itandukanye. Muri aka gace kandi, hazubakwa ivuriro(poste de santé) izafashaabaturiye hano kubona ubuvuzi vuba.
Uyu mudugudu ngo ni umudugudu ugomba gufasha abantu kubona uko babaho neza, ngo dore ko ibikorwa remezo byose bizaba bibegerejwe.
Umuyobozi w’Akarere yasabye abaturage kugira uruhare muri ibi bikorwa, aho yasabye abaturage kuva mu manegeka bakaza gutura muri uyu mudugudu. Umuyobozi w’Akarere yashimkye abafatanyabikorwa biyemeje kuzagira uruhare muri iyi myubakire y’uyu mudugudu. Umuyobozi w’Akarere yavuze ko Akarere kazihatira cyane kuzamura imibereho y’abazatura muri uyu mudugudu, ndetse n’abazawutura iruhande. Cyokora mu butumwa bwe, umuyobozi w’Akarere yasabye abaturage kongera mu gukora cyane, kugira ngo barusheho kwihuta mu iterambere.
Minisitiri w’abakozi ba leta n’Umurimo Judith Uwizeye, yagaragaje ko kubakira abaturage ibikorwa by’amajyambere bigaragaza agaciro ubuyobozi bw’igihugu buha abanyarwanda. Minisitiri yagaragaje ko Iyi gahunda yo gutuza abantu mu midugudu y’ikitegererezo ngo ni gahunda leta ishyizemo imbaraga kugira ango abanyarwanda barusheho kwegerezwa ibikorwa remezo bibafasha mu mibereho yabo myiza nk’uko iyi nkuru dukesha urubuga rw’akarere ivuga.
Minisitiri Uwizeye yasabye abaturage kurangwa n’ishyaka ryo gutura aheza, aho yibukije ko uyu mudugudu nta muturage n’umwe uwuhejwemo. Ministre asaba abaturage kudatura mu manegeka, ko ahubwo bakwiye kwegera ibikorwa remezo begerejwe ahatunganyijwe, by’umwihariko kuri uyu mudugudu mwiza w’ikitegererezo.
[xyz-ihs snippet=”google-pub”]
Minisitiri yashimiye abafatanyabikorwa badahwema kugira uruhare mu iterambere ry’Akarere, ndetse n’iry’igihugu muri rusange, anabasaba gukomeza imikoranire myiza n’Akarere kugira ngo iterambere ry’abaturage rirusheho kugenda neza.
Kubaka umudugudu w’ikitegererezo muri buri Karere ni gahunda yatangijwe na Perezida wa Repubulika, ubwo kuwa 04 Nyakanga 2016 yatahaga ku mugaragaro umudugudu ntangarugero wubatse I Rweru mu Karere ka Bugesera. Nyuma yo kubona ubwiza bwa bene iyi midugudu, Perezida wa Repubulika yifuje ko iyi midugudu yagezwa muri buri Karere.
Kanda hano ujye ubona amakuru yihuse kandi kugihe kuri Facebook no kuri twitter
@bwiza.com
