Byibuze abantu 20 bishwe muri Gondar, umujyi wo mu ntara ya Amhara yo mu majyaruguru y’uburengerazuba bwa Ethiopia, mu gitero cyagabwe n’intagondwa z’abakirisitu mu gihe cyo gushyingura umusilamu waho ukomeye, nk’uko byatangajwe n’umuryango wa kisilamu.
Igitero kiyobowe n “intagondwa z’Abakirisitu”
Umuyobozi w’akarere ka Gondar, Zewdu Malede, yabajijwe na radiyo na televiziyo bya Ethiopia, EBC, yemeza gusa ko “intagondwa nke”, atigeze zivuga zateje “ikintu” cyavuyemo “gusenya imitungo no gutakaza ubuzima ku mpande zombi “, Abayisilamu n’Abakiristu.
Ku wa Gatatu, guverinoma y’intara ya Amhara ntiyabashije kugerwaho na AFP ngo itange ibisobanuro mu gihe igipolisi cya Gondar cyanze kugira icyo gitangaza kuri iki kibazo.
Muri Kanama, akanama gashinzwe ibibazo by’abayisilamu bo mu karere ka Amhara kavuze ko “ku ya 26 Mata habaye ubwicanyi bwakorewe abayisilamu bari bateraniye ku irimbi mu ishyingurwa rya Sheikh Elias mu mujyi wa Gondar bikozwe n’intagondwa z’abakirisitu bitwaje ‘intwaro.
Yongeyeho ko amakuru afite yemeza ko hapfuye abantu 20 mu gihe abakomeretse bajyanwe mu bitaro kandi imitungo myinshi yasahuwe.
Amakimbirane hagati y’Abakiristu b’Aba-Orthodox, idini ryiganje cyane muri Ethiopia kandi rifite abayoboke benshi muri Amhara, n’Abayisilamu ku irimbi ryabereyemo imihango, ashobora kuba intandaro y’ubugizi bwa nabi.
