Kuri uyu wa mbere tariki ya 30 Mutarama 2017, Komisiyo y’imibereho myiza y’abaturage ikorera mu nteko ishinga amategeko umutwe w’Abadepite yakiriye ubusobanuro bw’abayobozi b’uturere 3 turimo Nyarugenge, Rwamagana ndetse na Burera ku mikoreshereze mibi y’umutungo w’igihugu wahombeje miliyoni zisaga 45.
[xyz-ihs snippet=”google-pub”]
Utu turere twagiye twitaba iyi komisiyo ku masaha atandukanye ariko dutanga ubusobanuro ku bibazo bimwe birimo kwirukana abakozi mu buryo bunyuranyije n’amategeko, kwishora mu manza bagatsindwa n’ibindi, abadepite bagize iyi komisiyo bagaragaje ko utu turere kimwe n’utundi tuzayitaba twagize uruhare mu guhombya leta akayabo mu gihe abayobozi bakuru batwo baba bakingiye ikibaba abakoze amakosa bakanga kubashyira ku mugaragaro.
Aba badepite banavuze ko nubwo hari amabwiriza mashya yasohotse ku ngamba zizajya zifatirwa abagaragayeho ikibazo cyo guhombya leta hari abamazegufatirwa ibyemezo bityo bakaba batarebwa n’izi ngamba, ko hagiye kujya hakurikizwa amategeko ku batazubahiriza ibisabwa n’amategeko.
Aya makosa utu turere dushinjwa akubiye muri raporo ya komisiyo ishinzwe abakozi ba leta 2015/ 2016, igaragaza amakosa yakozwe na bamwe mu bayobozi bakuru b’uturere nka bimwe mu byateje igihomgo.
[xyz-ihs snippet=”google-pub”]
Aba bayobozi b’uturere basabwe kudafata imyanzuro ihutiyeho yo kwirukana umukozi mu gihe aguye mu ikosa ahubwo ko ahanwa n’itegeko kandi ko amategeko ariho ngo ahane abakora nabi.
Iyi raporo igaragaza ko mu myaka ya 2012-2015 leta yahombye asaga Miliyoni 540 y’amafaranga y’u Rwanda
Kanda hano ujye ubona amakuru yihuse kandi kugihe kuri Facebook no kuri twitter
Nsengimana@Bwiza.com
