Kuri uyu wa Gatatu, Umushinjacyaha Mukuru wa Conakry, washyizweho n’abasirikare bahiritse ubutegetsi muri Guinea kuva mu 2021, yatangaje ikurikiranwa ry’uwahoze ari perezida, Alpha Condé ndetse n’abayobozi bakuru hafi mirongo itatu bo mu buyobozi bwe, kubera ibyaha by’ubwicanyi, ibikorwa byo kwica urubozo no gushimuta.
Mu bantu bakuikiranwe n’ubushinjacyaha bagaragara ku rutonde rwagejejwe ku banyamakuru n’umushinjacyaha Alphonse Charles Wright, usibye Condé wahiritswe n’abasirikare muri Nzeri 2021, hariho uwahoze ari perezida w’Urukiko rurinda Itegeko Nshinga, abahoze ari ba perezida b’Inteko , uwahoze ari Minisitiri w’intebe akaba n’abahoze ari abaminisitiri, abadepite n’abayobozi b’inzego zishinzwe umutekano.
Dukurikije iyi nyandiko y’ibisabwa, umucamanza yatanze “amabwiriza agamije gukurikirana imanza binyuze mu kwamagana” Condé hamwe n’abandi bantu 26 bashinjwa “ubwicanyi n’ubufatanyacyaha”, kurigisa ku gahato, gufunga, gushimuta, gukora iyicarubozo , gukubita o gukomeretsa, gufata ku ngufu n’ihohotera rishingiye ku gitsina cyangwa ibikorwa byo gusahura.
Urebye ibyasabwe n’umushinjacyaha mukuru, iperereza risa nk’iryibanze cyane cyane ku myaka ibiri ya nyuma y’ubutegetsi bwa Alpha Condé.
Umucamanza yasobanuye mu butumwa yagejeje kuri AFP ko iburanisha ryatangiye nyuma y’ikirego cyatanzwe na Front national de défense de la Constitution (FNDC), itsinda ryayoboye amezi kuva mu Kwakira 2019 imyigaragambyo yo kwamagana manda ya gatatu ya Alpha Condé.
Guhagarika imyigaragambyo, akenshi ngo byakoranwe ubugome muri iki gihugu gisanzwe kimenyereweho urugomo muri politiki, byahitanye abantu benshi, kandi abasivili hafi ya bose.
Ubu bukangurambaga ntibwabujije Condé, wabaye mu 2010 perezida wa mbere watowe mu buryo bwa demokarasi nyuma y’imyaka myinshi y’ubutegetsi bw’igitugu, kongera gutorwa mu Kwakira 2020 nyuma y’uko Itegeko Nshinga rivuguruwe mu ntangiriro z’umwaka.
