Perezida wa Repubulika ya Kenya, Uhuru Kenyatta, kuri uyu wa 27 Gicurasi 2022 arashyikirizwa igikombe cy’Isi, mu rwego rw’imyiteguro y’irushanwa gihatanirwamo rizabera muri Qatar mu Gushyingo.
Ikinyamakuru Nation gisobanura ko iki gikombe cya mbere gihenze ku Isi kiramara iminsi ibiri muri Kenya, hanyuma kijyanywe mu bindi bihugu byatoranyijwe.
Kiragezwa ku biro bya Perezida Uhuru i Nairobi giherekejwe na Juliano Belletti wakiniye ikipe ya Brazil na FC Barcelona ku mwanya wa myugariro.
Perezida Uhuru aragiterura, kuri uyu wa 28 Gicurasi kijyanwe muri Kenyatta International Convention Center, abaturage bakirebe, banacyifotorezeho.
Mu Gushyingo 2021 ni bwo uyu Mukuru w’Igihugu yaherukaga gushyikirizwa igikombe cy’Isi cyegukanwe n’ikipe y’u Bufaransa mu 2014.
