Misiyo y’amahoro y’Umuryango w’Abibumbye muri Repubulika ya Demukarasi ya Congo, MONUSCO, yongeye gushinja umutwe witwaje intwaro wa M23 kugaba ibitero ku birindiro byayo.
Mu butumwa yatangarije kuri Twitter kuri uyu wa 8 Kamena 2022, MONUSCO yasobanuye ko ibirindiro byagabweho igitero ari ibya Shangi biherereye muri teritwari ya Rutshuru, kikaba cyasize gikomerekeje abasirikare batatu.
Yagize ati: “MONUSCO iramagana igitero cyakozwe na M23 ejo ku birindiro ry’abambara ingofero z’ubururu [abasirikare bayo] muri Shangi (Rutshuru). Batatu bakomeretse bajyanwe i Goma. MONUSCO ikomeje kwifatanya na FARDC mu kurwanya M23.”
Ingabo za MONUSCO zatangije ibitero kuri M23 nyuma yo gushinja uyu mutwe witwaje intwaro kuyigabaho ibitero kuri ibi birindiro bya Shangi tariki ya 23 Gicurasi 2022.
Icyo gihe yagize iti: “Umuyobozi wa MONUSCO, Bintou Keita, yamaganye ibitero bya M23 kuri FARDC na MONUSCO muri iki gitondo muri zone ya Shangi. Arashimira ubutwari bw’abarinzi b’amahoro basubije ibi bitero.”
Indege za kajugujugu yifashishije muri ibi bitero zagize uruhare runini mu kwirukana abarwanyi ba M23 basatiraga umujyi wa Bunagana hafi y’umupaka wa RD Congo na Uganda.
Icyakoze M23 yo yahakanye kugaba ibitero kuri izi ngabo, isobanura ko zitwaje iki kirego kugira ngo zibone uko zinjira muri iyi mirwano.
2 Responses
MONUSCO yongeye gushinja M23 kugaba igitero ku ngabo zayo
Bariya ni abahashyi bagiye kwiba amabuye y’agaciro no gucuruza imbunda kuko imyaka bamaze muri DRC kugarura amahoro sibyo byabajyanye.
Ntabwo numva ukuntu bakwitwikira umwenda wa LONU ngo barwanye M23 bafatanyije n’indi mitwe y’iterabwoba bakabaye barwanya hanyuma ngo abandi babihorere!
Ubwo nibinjira mu mirwano bazaba biyemeje kurwana bazabarasa utabarashe niryo ryaba ari ikosa kuko ni abajura gusa.
MONUSCO yongeye gushinja M23 kugaba igitero ku ngabo zayo
Bariya ni abahashyi bagiye kwiba amabuye y’agaciro no gucuruza imbunda kuko imyaka bamaze muri DRC kugarura amahoro sibyo byabajyanye.
Ntabwo numva ukuntu bakwitwikira umwenda wa LONU ngo barwanye M23 bafatanyije n’indi mitwe y’iterabwoba bakabaye barwanya hanyuma ngo abandi babihorere!
Ubwo nibinjira mu mirwano bazaba biyemeje kurwana bazabarasa utabarashe niryo ryaba ari ikosa kuko ni abajura gusa.