Guverinoma y’u Bwongereza yasezeranyije Perezida wa Ukraine, Volodymyr Zelensky gufasha igihugu cye gusubirana Let aya Luhansk giherutse kwamburwa n’ingabo z’u Burusiya.
Minisitiri w’Intebe w’u Bwongereza, Boris Johnson, mu butumwa amaze gutangaza, yasobanuye ko yaganiriye na Zelensky, ati: «Namenyesheje Perezida Zelensky ku byemezo byafashwe na G7 na NATO mu cumweru gishize. Ndizera ko ingabo za Ukraine zizisubiza ubutaka ingabo z’u Burusiya ziherutse gufata.»
Boris yakomeje ati: «U Bwongereza bwiteguye gufasha Ukraine kwirwanaho no kongera kwiyubaka. Ubufasha bwa gisirikare bw’u Bwongereza buzahagera vuba.»
Tariki ya 3 Nyakanga 2022, Minisitiri w’Ingabo w’u Burusiya yatangaje ko zakuye iza Ukraine mu karere ka Lisichansk zari zisigayemo muri Luhansk.
Aya makuru yemejwe n’ibiro by’ingabo za Ukraine, bisobanura ko koko zavuye muri aka gace kubera ko iz’u Burusiya zabarushaga ubushobozi bw’ibikoresho n’umubare w’abasirikare.
