Urukiko rwa rubanda rw’i Paris mu Bufaransa uyu munsi mugitondo rwiherereye ngo rufate umwanzuro ku rubanza rwa Laurent Bucyibaruta, uregwa uruhare muri Jenoside yakorewe Abatutsi mu 1994 mu yahoze ari Perefegitura ya Gikongoro yayoboraga. Bucyibaruta umaze amezi asaga abiri aburanishwa ahakana ibyaha byose aregwa. Ubushinjacyaha mu cyumweru gishize, bwari bwasabye ko uyu mugabo afungwa burundu n’ubwo nta Mututsi yicishije ukuboko kwe. Buvuga ko n’ubwo bimeze bityo, amaraso y’Abatutsi bishwe bose ari ku mutwe we. We icyo gihe yavuze ko ajuririye icyo gihano. Umwanzuro w’urukiko utegerejwe ahagana ku mugoroba wo kuri uyu wa Kabiri ku isaha itatangajwe.
