Umwongereza ufungiwe muri Ukraine ashinjwa kuba umucancuro ukorana n’ingabo z’iki gihugu, Aiden Aslin, yaririmbishijwe indirimbo yubahiriza u Burusiya ku gahato.
Nk’uko ikinyamakuru Daily Mail cyo mu Bwongereza kibitangaza, kuri televiziyo y’u Burusiya hatambutse videwo y’amasegonda 140 igaragaza Aslin, aririmba iyi ndirimbo.
Muri iyi videwo, uyu mwongereza w’imyaka 28 y’amavuko yari ahagaze, ahagarikiwe na John Douglan wahoze mu gipolisi cya Leta Zunze Ubumwe za Amerika, ubu akaba akorera Polisi y’u Burusiya.
Aslin amaze kuririmba iyi ndirimbo, Douglan aramubwira ati: “Biratangaje!”
Videwo ya Aslin watawe muri yombi muri Kamena 2022 igiye hanze nyuma y’urupfu rwa mugenzi we w’Umwongereza Paul Urey waguye muri kasho yo muri Leta ya Donetsk ishyigikiwe n’u Burusiya.
