Igisirikare cya Mali kirwanira mu kirere cyashyikirijwe indege z’intambara nshya zaguzwe mu Burusiya, zirimo Sukhoi Su-25, Aero L-39 Albatros, kajugujugu za Mi-8 na Mi-24 n’iy’ubwikorezi ya Airbus Casa C295.
Uyu muhango wayobowe na Perezida wa Mali w’inzibacyuho, Colonel Assimi Goïta kuri uyu wa 9 Kanama 2022 nk’uko byemejwe n’ibiro by’Umukuru w’Igihugu.
Ibi biro byatangarije ku rubuga rwa Twitter biti: “Perezida w’inzibacyuho, Nyakubahwa Colonel Assimi Goita, Umukuru w’Igihugu, kuri uyu wa Kabiri, yayoboye umuhango wo gushyikiriza igisirikare cya Mali indege n’ibikoresho.”
Izi ndege byitezwe ko zizafasha iki gisirikare guhangana n’imitwe y’iterabwoba ikomeje guhungabanya umutekano w’igihugu.
