Minisitiri w’Intebe, Dr Edouard Ngirente, yahagarariye Perezida Paul Kagame mu muhango w’irahira rya Minisitiri w’Intebe mushya w’ubwami bwa Lesotho, Samuel Ntsokoane Matekane.
Perezida Kagame yari yatumiwe muri uyu muhango gusa ntiyabineka, bijyanye no kuba wahuriranye n’uruzinduko rw’akazi yagiriye i Maputo muri Mozambique.
Kuri uyu wa Gatanu ni bwo Minisitiri w’Intebe mushya wa Lesotho yarahiriye kuyobora Guverinoma ya kiriya gihugu, mu muhango wabereye muri Stade ya Setsoto iherereye i Maseru mu murwa mukuru.
Muri uku kwezi k’Ukwakira ni bwo Samuel Matekane usanzwe ari umwe mu baherwe bakomeye muri Lesotho yabaye Minisitiri w’Intebe wa kiriya gihugu, nyuma yo gutsinda amatora rusange.
Ni nyuma y’uko ishyaka Revolution for Prosperity (RFP) yashinze muri Werurwe uyu mwaka ryari rimaze kwegukana intsinzi mu matora y’abagize Inteko Ishinga amategeko; aho ryabonye imyanya 56.
Usibye Minisitiri w’Intebe Edouard Ngirente witabiriye umuhango w’irahira rye, abandi banyacyubahiro bawitabiriye barimo Perezida Cyril Ramaphosa wa Afurika y’Epfo, Emmerson Mnangagwa wa Zimbabwe n’abandi.
