Umunyamakuru Ntwali John Williams wapfuye tariki ya 17 Mutarama 2023 agiye gushyingurwa mu irimbi ryo mu karere ka Kamonyi kuri iki gicamunsi.
Inkuru y’urupfu rwa Ntwali yamenyekanye tariki ya 19 Mutarama, nyuma y’aho abapolisi bashinzwe gupima impanuka zo mu muhanda babimenyesheje murumuna we.
Aba bapolisi basobanuye ko Ntwali wari kuri moto yagongewe n’imodoka kuri Rwandex mu karere ka Kicukiro, umujyi wa Kigali, mu masaha y’urukerera ndetse Umuvugizi w’ishami rya Polisi rishinzwe umutekano wo mu muhanda yasobanuye ko uwamugonze yatawe muri yombi.
Umurambo wa Ntwali wakuwe mu bitaro bya Kacyiru mu gitondo cy’uyu wa 22 Mutarama, mu rusengero rw’Abadivantisiti b’umunsi wa Karindwi rwa Ruyenzi haberamo umuhango wo kumusezeraho.
Byateganyijwe ko saa munani z’igicamunsi ari bwo umurambo wa Ntwali urashyingurwa mu irimbi rya Kamonyi.
