Igihugu cya Nigeria kiracyategereje inking zihagije za mugiga nyuma y’aho abantu bakabakaba 500 muri iki gihugu bamaze guhitanwa n’indwara ya Mugiga, mu gihe cy’amezi atanu gusa nk’uko byatangajwe n’umuvugizi wa minisiteri y’ubuzima, Osagie Ehanire. Kugeza ubu inking zimaze kuboneka cyangwa zitezwe ntizigera kuri miliyoni 1,5 mu gihe hakenewe byibuze izigera kuri miliyoni 3.
Mu kiganiro yagiranye n’itangazamakuru, Ehanire yatangaje ko abantu bagera ku 4637 ari bo bamaze gufatwa n’iyi ndwara, kuva kuwa 01 Mata ikaba imaze guhitana abagera 328 nk’uko iyi nkuru dukesha VOA ivuga.
Leta ya Zamfara iri mu majyaruguru y’uburengerazuba bw’igihugu niyo yibasiwe cyane n’iyi ndwara kurusha izindi, aho 70% by’abamaze gufatwa n’iyi ndwara ari abo muri iyi leta.
[xyz-ihs snippet=”google-pub”]
Igihugu cya Nigeria gituwe na miliyoni zigera mu 190 z’abaturage, kikaba kimwe mu bihugu byibasirwa cyane n’indwara ya Mugiga, aho mu 2015 nabwo iyi ndwara yigeze kwisasira abantu babarirwa mu 1,100 cyane cyane muri Nigeria no mu gihugu bihana imbibe cya Niger.
Hagati aho iki gihugu cyabashije kubona inkingo 500,000 zo kurwanya iyi ndwara nk’uko byemezwa n’ishami rya Loni ryita ku buzima, WHO. Izi nkingo zikaba zaratanzwe na International Coordinating Group (ICG), umuryango ukunze guhuza ibikorwa byo gutanga inking igihe hadutse indwara nk’izi cyangwa icyorezo.
Dr Wondimagegnehu Alemu, uhagarariye WHO muri Nigeria, yatangaje aya makuru kuri uyu wa gatanu ushize, mbere yo kongeraho ko hategerejwe izindi nkingo 820,000 zigomba kuva mu Bwongereza.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
