· Muri Komine, Taba yayoborwaga na Jean Paul Akayesu, wabaye uwa mbere wahamwe n’icyaha cya jenoside yakorewe abatutsi mu Rwanda; hari higanje amashyaka nka MRD, MRND na PSD. Jenoside yabanjirijwe n’amakimbirane hagati ya MDR na MRND, icyo gihe ibikorwa by’iterabwoba byakorwaga ku manywa y’ihangu. Interahamwe zitangira kwitoza zateraga ama gerenade muri Nyabarongo zirushamwa kumasha imvubu. Nyuma y’inama Sindikubwabo aherekejwe na Kambanda bagiranye na ba Burugumestri bose b’amakomini agize perefegitura ya Gitarama, ba Burugumestri muri iryo joro, nabo bakoresheje inama iwabo bashishikariza abaturage kwica abatutsi. Burugumestri Akayesu yakoresheje inama i Rukoma yahejemo uwitwa umututsi wese, ntibyatinze bwacyeye abatutsi bicwa ku itariki ya 19/4/1994.
[xyz-ihs snippet=”google-pub”]
Muri Taba Jenoside yayobowe na Burugumestri Akayesu Jean Paul, Kubwimana Silas (entrepreur), Interahamwe z’i Gihinga. Izi nterahamwe ni nazo zishe abatutsi bari bahungiye kuri centre de santé ya Kigese, zica abahungiraga i Kabgayi; ni nazo zishe abaguye i Kiyumba no ku Mugina. Mu bandi bicanyi ba ruharwa, harimo Munyandamutsa bitaga Rutuku wari umubazi w’amatungo na Gisimba Daniel wigishiga i Gihinga. Aba nyakamonyi ntibazibagirwa impunzi za Nyacyonga zari zikambitse ku musozi wa Nyamugari no kuri centre ku Kamonyi bagize uruhare mu kwica abatutsi bahasanze. Izo mpunzi ni nazo zishe Ababikira 12 bari bavuye i Kigali k’ Umushumba Mwiza, biciwe muri cellule ya Shenga yayoborwaga na Karekezi Innocent. Kamonyi kandi yari yuzuyemo Interahamwe zagiye zimuka ziva mu duce Inkotanyi zimaze gufata. Jenoside yahagaze ku Kamonyi ku itariki ya kane Nyakanga 1994, abantu bahiciwe bamaze kumenyekana ni 47,278.
· Abatutsi barenga 7,600 bari bahungiye ku mashuri yo ku kiliziya cya Kansi kuko Padiri Walgorisky wo mu muryango w’abapadiri b’Abapaloti (Peres Pallotins), yabangiye gufungura kiliziya ngo bahungiremo, ababwira ko Imana na Leta babatanze, barishwe, nyuma yuko Interahamwe zikwirakwije igihuha ko Coloneri Augustin Ndindiliyimana ukomoka i Kansi, akaba n’umugaba mukuru wa Jandarumori, ko yishwe n’Ingabo za FPR Inkotanyi. Uwo munsi, bamaze kwica abo batutsi bose, padiri Walgorisky yasabye abaturage n’Interahamwe ko bacukura ibyobo rusange bagatabamo iyo mirambo, maze abahemba ibyo kurya.
· Abatutsi bari bahungiye kuri Paruwasi ya Musebeya, ubu ibarizwa mu karere ka Nyaruguru, barishwe bose.
· Kuri Hotel Faucon muri Butare, niho hantu hambere hashinzwe bariyeri mu mujyi wa Butare, yicirwaho Prof. Karenzi, wari umwarimu muri Kaminuza Nkuru y’u Rwanda, bukeye bwaho nibwo hishwe Dr. J.Baptiste Habyarimana wari Perefe wa Perefegitura ya Butare.
· Jenoside yatangiye muri Butare nyuma y’ijambo Perezida Sindikubwabo yavugiye muri ako gace, yihanangiriza abahutu banze kwica abatutsi, ko nabo baza kwicwa. Uwo munsi abayobozi, abarimu ba kaminuza, abanyeshuri ndetse n’azindi njijuke z’abatutsi bibasiwe na Jenoside.
· Nyuma y’uruzinduko Perezida Sindikubwabo yagiriye muri Kaminuza Y’u Rwanda, asura Ishami ry’Ubuganga, nibwo Jenoside yakajije umurego. Abasirikare bo mu kigo cya ESSO n’INterahamwe, bishe mu buryo bw’indengakamere abaganga, abarwayi, abarwaza n’abandi batutsi bari bahungiye ku Bitaro bya Kaminuza CHUB.
· Abatutsi biciwe mu Nkomero ku Kanyaru, ubu habarizwa mu karere ka Nyaruguru.
· Abatutsi bari bahungiye kuri Komini Muko, iherereye mu karere ka Nyamagabe, Interahamwe zarabateye, zica abagabo n’abasore gusa, abagore n’abana zibabwira ko bo zizagaruka kubica ikindi gihe.
· Ingabo z’Umuryango w’abibumbye mu Rwanda UNAMIR zatangaje ko abantu 45 bishwe n’aho 114 barakomereka nyuma y’uko ingabo za leta zirashe abahungiye muri Stade Amahoro i Remera.
· Hishwe Abatutsi bo muri Nzahaha mu Kagali ka Nyenji
· Hishwe abatutsi b’ i Gatsibo muri Nkanka (Cyangugu) bicirwa kuri Paruwasi gatulika ya Nkanka
· Hishwe Abatutsi b’i Gikundamvura (Kizura)
· Hishwe abatutsi b’i Rangiro muri Nyamasheke bicirwa mungo zabo
Source:CNLG
Kanda hano ujye ubona amakuru yihuse kandi kugihe kuri Facebook no kuri twitter
@bwiza.com
