Inama y’ubutegetsi y’ikigo cy’igihugu gishinzwe ingufu, REG, kuri uyu wa 22 Gicurasi 2023 yasubijeho Ron Weiss ukomoka muri Israel ku buyobozi bukuru bwacyo, nyuma y’icyumweru imusimbuje.
Icyemezo cyo gukura kuri uyu mwanya Weiss cyashyizweho umukono na Dr Didacienne Mukanyiligira usanzwe ari Umuyobozi w’inama y’ubutegetsi ya REG tariki ya 15 Gicurasi.
Weiss yari yasimbujwe by’agateganyo Gakuba Félix uyobora ikigo gishinzwe gukwirakwiza umuriro w’amashanyarazi, EDCL.
Dr Mukanyiligira kuri uyu wa 22 Gicurasi yandikiye Weiss amumenyesha ko asubijwe kuri uyu mwanya kuva akibona iyi baruwa, anamwifuriza ishya n’ihirwe muri aka kazi.
Weiss ni umuyobozi wa REG kuva muri Gicurasi 2017.
