Kuva ku itariki ya 24-25/04/1994 Abatutsi bari bahungiye kuri Komini Ruhashya, bishwe n’Interahamwe zaturukaga muri Gikongoro zifatanije nizo muri Komini Maraba na Rusatira, ababashije guhunga biciwe muri ISAR SONGA kuya 28/04/1994.
Ubwicanyi ndengakamere bwibasiye abatutsi barenga 30,000 bari bahungiye ku musozi wa Kabuye hafi ya komini Ndora muri perefegitura ya Butare.
Kuva tariki ya 24-25/04/1994, Abajandarume bayobowe na Coloneli Simba Aloys, barasiye abatutsi benshi ku mugezi wa Mwogo wambuka ugana ku Gikongo, ubu ni mu Murenge wa Rwaniro mu Karere ka Huye.
Abatutsi bari bahungiye ku musozi wa Tababa muri Mwendo, ubu habarizwa mu Karere ka Huye, barishwe bose.
Abatutsi bari bahungiye kuri Stade Byiza muri komini Mbazi, ubu ni mu Murenge wa Mbazi mu Karere ka Huye, barishwe bose.
[xyz-ihs snippet=”google-pub”]
Nk’uko bigaragara ku rubuga rwa CNLG dukesha iyi nkuru, Abaganga batagira umupaka batangaje ko biboneye abasirikare barindaga Perezida Habyarimana, bica abarwayi bagera ku 170 mu bitaro bikuru bya Butare.
Kuva tariki ya 24-25/04/1994, Abatutsi bari bahungiye ahitwa Mukabande ka Nyarubera ku Kibuga, ubu ni mu Karere ka Huye, barishwe
Abatutsi bari bahungiye ku musozi wa Mahembe, mu murenge wa Byimana mu karere ka Ruhango, bishwe n’Abajandarume n’Abapolisi.
Abatutsi bari bahungiye ku rusengero rwa ADPR, ahitwa Nyakarekare, mu murenge wa Mbuye mu karere ka Ruhango, barishwe bose.
Abatutsi biciwe ku ishuri ribanza rya Kivugiza muri Nyamirambo.
Kuri iyi tariki kandi, Ingabo za FPR Inkotanyi zatangiye guhungisha abo zari zarokoye ziberekeza mu bice bitarimo imirwano bya Byumba na Gahini.
Kanda hano ujye ubona amakuru yihuse kandi kugihe kuri Facebook no kuri twitter
@Bwiza.com
