Kuri uyu wa Gatatu tariki ya 26 Mata 2017, Amerika yatangiye gushinga inkingi izaterekaho ibisasu byayo bya kirimbuzi (missile) muri Korea y’Epfo, mu gihe ikomeje gushyamirana n’iya Ruguru.
Amerika ikomeje kugaragaza ukwikanga mu gihe ifite impagarara z’ibikorwa bya Korea ya Ruguru ikomeje kugerageza ibitwaro byayo by’ubwoko butandukanye birimo za missile ndetse n’ibindi bya nucléaire.
Nk’uko bitangazwa na BBC, ngo Inkingi “Thaad” (Terminal High-Altitude Area Defense) zizatuma iki gihugu kirwanaho mu gihe Korea ya Ruguru izaba igabye ibitero.
[xyz-ihs snippet=”google-pub”]
Abaturage ba Korea y’Epfo babarirwa mu majana, bagikubita amaso izo modoka zari zitwaye izo nkingi, bafashe iya mbere bigaragambya babyamagana ku butaka bwabo.
Igihugu cy’u Bushinwa na cyo cyagaye iki gikorwa cyo gushinga “Thaad” ko zishobora gutuma umutekano w’akarere uhungabana. Bukaba bubinenga mu gihe Amerika ubu yanarangije gutegura ubwato bw’intambara ndetse n’ubundi buca munsi y’inyanja, bwose bukaba buri ku mazi ya Korea y’Epfo, itavuga rumwe n’iya Ruguru.
Mu kwitegura urugamba, u Bushinwa nabwo bukaba bwasohoye ubwato bushya bw’intambara bugwaho indege z’intambara, bwakorewe mu Bushinwa hagamijwe kuzamura imbaraga z’igisirikare cyabwo.
Perezida Donald Trump, aherutse gusaba Ubushinwa kumufasha mu guhagarika ibikorwa bya Korea ya Ruguru byo Kugerageza ibisasu byayo bya kirimbuzi. Aha akaba yaravuze ko nubwo butabafasha bitababuza guhangana na yo (Korea ya Ruguru).
Kanda hano ujye ubona amakuru yihuse kandi kugihe kuri Facebook no kuri twitter
Itangishatse Theoneste/bwiza.com
