Abayoboke b’ishyaka FNL rya Agathon Rwasa, utavuga rumwe na Leta y’u Burundi akorera, batangaje ko bashyirwa ku iterabwoba ko utazemera kuva ku izima akajya mu ishyaka riri ku butegetsi (CNDD FDD) azicwa akajugunywa mu mugenzi.
Abo ni abatuye muri segiteri ya Rubira, muri Musenyi ho muri komini Mpanda, Intara ya Bubanza. Ababashyiraho iterabwoba ni Imbonerakure hamwe n’abashinzwe iperereza, nk’uko byatangarijwe ikinyamakuru RPA.
Bati: “Abayoboke ba CNDD FDD bibasira cyane cyane abo mu ishyaka MSD nadu FNL rya Agathon RWASA. Babategetse kujya muri CNDD-FDD, bitaba ibyo bakazicwa, baje mu modoka z’ibirahure byijimye baje guta muri yombi abantu, bavuze ko utazemera kujyamo azicwa akajugunywa mu mugenzi kugirango abo mu muryango we ntibazamenye irengero rye”.
[xyz-ihs snippet=”google-pub”]
Amakuru ava muri segiteri Rubira, agera kuri iki kinyamakuru RPA, avuga ko iterabwoba barishyizweho na Sindayigaya, usanzwe ari diregiteri ku kigo cy’amashuli cya Rubira usanzwe ari n’Imbonerakure, yari kumwe n’abashinzwe iperereza nabo basanzwe ari Imbonerakure, Nepon , Sébastien na Jérôme Nkurunziza.
Iri terabwoba ryatumye bamwe mu bayoboke b’aya mashyaka atavuga rumwe na Leta bava mu byabo barahunga (Marc Hatungimana na Jean Claude Vyamungu), abandi barimo Adolphe Nizigiyimana, Jean bosco Havyarimana na Eric Ntirandekura ngo bakaba baba mu bwihisho ngo batagirirwa nabi.
Iri terabwoba rikomeje gushinjwa Imbonerakure, rije nyuma y’indirimbo ivuga “Tera inda abakeba babyare Imbonerakure”, Leta nayo ubwayo yamaganye ndetse n’indi miryango iharanira uburenganzira bw’ikiremwamuntu na Loni. Imbonerakure zikaba zishinjwa guhohotera abatavuga rumwe n’ishyaka zibarizwamo rya CNDD FDD.
Kanda hano ujye ubona amakuru yihuse kandi kugihe kuri Facebook no kuri twitter
Nsengiyumva Philipe/Bwiza.com
