Guhera kuwa 15 Gicurasi 2017 kugeza kuwa 19 Gicurasi 2017 i Kigali hazateranira inama y’umuryango uhuza amagereza yo muri Afurika (ACSA) Africa Correctional Service Association.
Iyi nama izateranira muri Kigali Convetion Center (KCC) biteganijwe ko izitabirwa n’abantu bari hagati ya 200 na 500 baturutse mu Rwanda no mu mahanga. Abakuru b’amagereza yo muri Afurika bazungurana ibitekerezo ku miyoborere ndetse n’imicungire y’amagereza .
Inama ya 4 y’umuryango uhuza amagereza yo muri Afurika ACSA izitabirwa n’inzobere mubyo kugorora, abagize imiryango ya sosiyete sivile, abashakashatsi , amashuri makuru na za kaminuza ndetse n’abandi bantu bagira uruhare mu kugorora.
[xyz-ihs snippet=”google-pub”]
Ibiganiro byibanze bizatangwa n’abatumirwa bo ku rwego rwo hejuru barimo minisitiri w’ubutabera w’u Rwanda Johnston Busingye, Komiseri Mukuru w’amagereza yo muri Malesia ndetse n’impirimbanyi y’uburenganzira bwa muntu muri Zambia Dr Michel Chanda nk’uko bigaragara ku rubuga rwa RCS.
Umuryango uhuza amagereza yo muri Afurika ACSA washinzwe mu mwaka wa 2008 usimbuye undi wahuzaga abayobozi b’amagereza yo muri Afurika y’uburasirazuba,iy’amajyepfo ndetse niyo hagati (CESCA).
Umuhamagaro wo gushinga uyu muryango watangijwe bwa mbere mu nama ya 4 y’umuryango nk’uyu (CESCA) wari uhuje ibihugu uburasirazuba, amajyepfo na Afurika yo hagati yabereye i Arusha muri Tanzania mu 1999.
Inama yahuje inzego z’amagereza muri Afurika yose kuwa 5 kugeza kuwa 6 Kanama 2007 ahitwa Ezulwini, muri Swaziland, niyo yemeje gushinga umuryango uhuriweho n’ibihugu byose bya Afurika wiswe ACSA, itangizwa kuwa 26 Nzeri 2008 i Livingstone muri Zambia.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
