Ku wa 21 Ukwakira 2023 muri BK Arena,nibwo hateganijwe gutanga ibihembo bya “Trace Awords”bikaba bizahatanirwa n’ingeri zitandukanye zirimo abahanzi b’Abanyarwanda,Amerika ndetse n’abanyafurika bakomoka mu bihugu bitandukanye.
Mu bahanzi bakomoka muri Afurika y’Iburasirazuba, Diamond Platnumz niwe uhatanye mu byiciro byinshi. Uyu muhanzi ahatanye mu cya ‘Best Male’ na ‘Best Music Video’, mu gihe Azawi, Lexivone na Uganda Ghetto Kids nabo bahagarariye Uganda.
Ku ruhande rw’abahanzi b’Ababanyarwanda bahatanye harimo Bruce Melodie, Kenny Sol, Ariel Wayz, Bwiza na Chriss Eazy.Ibi bihembo bizatangwa mu byiciro 22 bizahatanamo abahanzi baturuka mu bihugu birenga 30.
Nigeria niyo iyoboye mu guhatana mu byiciro byinshi aho bahatanye mu birenga 40.Harimo abahanzi bo muri iki gihugu bari guhatana mu byiciro birenze kimwe barimo Burna Boy, Ayra Starr, Davido, WizKid, Tiwa Savage, Yemi Alade, Fireboy DML na Rema.
Uretse abahanzi b’Abanyafurika biganjemo ibi bihembo birimo guhatanamo abahanzi bo mu bihugu bitandukanye birimo ibya Afurika, Amerika y’Amajyepfo, ibirwa bya Caraà¯bes, u Burayi n’ibindi bikora ku Nyanja y’Abahinde.
Itangwa ry’ibi bihembo rizaba rikomatanyijwe n’iserukiramuco rizamara iminsi itatu aho rizatangira taliki 19 Ukwakira 2022,bikabera i Kigali muri Camp Kigali bikaba biteganyijwe ko abazabyitabira bazaba bagera ku bihumbi 10.
