Bamwe mu baturage bo mu murenge wa Rubavu mu karere ka Rubavu bavuga ko imyemerere y’amadini yabo itabemerera kwitabira ibikorwa by’amatora, Komisiyo y’igihugu y’amatora, isanga imyumvire nk’iyi yagombye guhinduka kuko Umuyobozi watowe areberera bose.
Umwe mu baganiriye na Bwiza.com , asobanura ko atazi akamaro k’amatora kuko we ngo abona bitamureba bitewe n’imyemerere y’idini rye asengeramo .
Aragira ati: “Amatora se ndayazi? ntayo nzi n’umwana wanjye ntiyajya gutora ntagiyeyo, Yesu ko yayoboye isi hari uwamutoye?”
[xyz-ihs snippet=”google-pub”]
Iyi myumvire bamwe mu baturage babibona nko kwiyima amahirwe kuko buri Munyarwanda ari uburenganzira bwe kwitorera umuyobozi umufitiye akamaro abaturage bagasanga ari imyumvire idahwitse.
Uwimana Clementine aragira ati”ababivuga njye mbona iyi myumvire bagomba kuyireka bagatora kuko kuyoborwa n’umuntu utitoreye bigira ingaruka mbi kuko ntiwayoborwa n’umuyobozi utatoye ngo umwumvire. Jye mbona bagomba guhiduka bagasobanurirwa abanze guhinduka nabo ntacyo wabihinduraho wabareka hakajya hatora ababishaka bazi n’akamaro kabyo.”
Naho Niyitanga claude aragira ati:”Iyo myumvire ntabwo ari myiza bagomba kuyireka .”
Umuyobozi ushinzwe uburere mboneragihugu muri komisiyo y’amatora mu karere ka rubavu, Maguru Nassor asaba abanyamadini gutoza abayoboke babo gukunda igihugu, cyane kugira uruhare mu kwitorera ababyobozi.
Aragira ati:”bagomba gushyira mu gaciro,umunyamadini azakenera umuyobozi ejo cyangwa ejo bundi, namukenera ntamukemurire servise biturutse ko atagize uruhare mu kwitorera umuyobozi usange ari kwicuza ngo yahawe serivise mbi kandi yaragombaga kugira uruhare mu kwitorera umuyobozi uzamuyobora neza. Ntabwo dushaka abanyamadini batitabira gahunda za leta .”
Uyu muyobozi kandi akomeza asaba buri wese ko igikorwa cy’amatora y’umukuru w’igihugu ateganyijwe mu ntangiriro za kanama uyu mwaka yakigira icye kugirango amatora azagende neza. Biteganyijwe ko Abanyarwanda hafi miliyoni zirindwi bagejeje igihe cyo gutora aribo bazayitabira.
Kanda hano ujye ubona amakuru yihuse kandi kugihe kuri Facebook no kuri twitter
Prince Theogene Nzabihimana/Bwiza.com
