Urukiko rwa gisirikare rwa Niger rwemeje irekurwa rya Mohamed Bazoum Salem, umuhungu w’imyaka 23 y’amavuko wa perezida wavanwe ku butegetsi, Mohamed Bazoum, wafatiwe mu rugo mu murwa mukuru Niamey. Urukiko rwafashe iki cyemezo ku wa Mbere, nk’uko byavuzwe mu itangazo ryashyizwe ahagaragara kuwa Kabiri.
Salem yari afungiwe mu rugo rwa perezida hamwe n’ababyeyi be kuva haba coup d’etat ya gisirikare muri Nyakanga. Ihirikwa ry’ubutegetsi, rimwe mu munani muri Afurika y’Iburengerazuba no Hagati kuva mu 2020, ryamaganwe cyane, bituma Umuryango w’Ubukungu w’ibihugu bya Afurika y’Iburengerazuba (ECOWAS) ufatira ibihano iki gihugu. Umuryango mpuzamahanga wasabye kandi ko Bazoum yarekurwa kandi agasubira ku butegetsi.
Urukiko rwa gisirikare ntirwagaragaje ikirindiriye ababyeyi ba Salem mu itangazo ryarwo nk’uko tubikesha Africanews.
Urukiko rw’Ubutabera rwa ECOWAS rwatangaje mu kwezi gushize ko ifungwa ry’umuryango wa Bazoum ritemewe kandi rutegeka ko Perezida Bazoum asubizwa mu kazi. Ibyemezo by’urukiko n’ibya nyuma kandi ntibishobora kujuririrwa. Ubu abahiritse Bazoum bafite ukwezi kumwe ko kwerekana uburyo bateganya gushyira mu bikorwa iri teka nk’uko abanyamategeko bagize uruhare muri uru rubanza babitangaza.
