Abaharanira uburenganzira bwa muntu 6 b’abanyamahanga batawe muri yombi mu gihugu cya Turkiya, barimo n’umuyobozi w’ishami rya Amnesty International muri Turkiya, Idil Eser, aho bafashwe n’igipolisi kibasanze muri hotelo bari bari gukoreramo inama y’umutekano bashinjwa gufasha abiyahuzi.
Kuri uyu wa Kabiri nibwo Urukiko rwa Instabul rwategetse ko aba bantu bazarekurwa ari uko babanje kuburanishwa nk’uko byatangajwe n’Ibiro Ntaramakuru, Anadolu Agency .
[xyz-ihs snippet=”google-pub”]
Amakuru yatangajwe n’ibinyamakuru bitandukanye aravuga ko abo bafashwe bari 10 barimo abanyaturkiya 8 ndetse harimo n’Umudage n’Umusuwisi batangaga amahugurwa, bakaba bashinjwa kuba barakoranye n’abayoboke b’ishyaka ry’Abakurde rishinjwa gukorana na Fettulah Gulen. Bane mu bafashwe bo bahise barekurwa.
Uyu Fattulah Gulen akaba ashinjwa kuba ari we wateguye umugambi wo guhirika perezida Recep Tayyip Erdogan mu mwaka ushize wa 2016 nk’uko iyi nkuru dukesha VOA ikomeza ivuga.
Igihugu cya Leta Zunze Ubumwe za Amerika cyahise gisaba ko abo bantu barekurwa, kandi leta ikavana igihugu mu bihe bidasanzwe, ngo bituma abantu batabwa muri yombi ntacyo bashinjwa nk’uko byatangajwe n’umuvugizi wa department ya leta, Heather Nauert.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
